Om in God se teenwoordigheid te lewe...
Sagaria 8 Preek gelewer op Sondag 24 Oktober 2010.
Daar word vertel dat die wetenskaplikes na ’n vreeslike droogte in die Bosveld ’n sekere stukkie grond vir grassade gaan fynkam het. Hulle het die grond ontleed, die grond gesif, en bevind dat daar op daardie stuk grond nooit weer natuurlik gras sal groei nie. Maar hulle was verkeerd... Want na die eerste reëns het die gras weer begin groei, en dit was nie lank nie, of ’n mens kon nie die grond sien nie. Op sy manier het die Vader wel voorsien...
Maar weet julle, liewe vriende, in ’n sekere sin kyk ons na die wêreld om ons sonder ’n krieseltjie hoop vir die toekoms. Voor die pas afgelope wêreldbeker het ’n radio-omroeper ’n meningspeiling oor Bafana-Bafana se kanse gedoen om die wêreldbeker te wen... Die man se antwoord was. Ek is negatief... vreeslik negatief. Ek is so negatief dat ek sal ontwikkel as julle my in ’n donkerkamer sit.
As ons na ons land kyk in die situasie waarin alles tans is, kan ons baie maklik heeltemal moed verloor. Ons kan na die plaasmoorde en die geweld in ons land kyk, en besluit dat niks beter gaan word nie. Ons kan na die ekonomiese vooruitsigte en die mielieprys kyk, en alle hoop op herstel verloor... Ons almal ervaar hoe ons jongmense besig is om die land te verlaat en op ander plekke werk te soek... Hoe ons nie meer klein kindertjies sien speel soos vroeër nie.
Ons almal ervaar dikwels hoe ’n mens nie meer mense of diere kan huur nie, omdat dit te duur geword het, en die vakbonde te veel vereistes het... Ons ervaar ook dat ons altyd op ons hoede moet wees vir plaasaanvalle, inbrekers en skakers, en dat ’n mens nie meer veilig kan beweeg nie. Ons kan dikwels die haat tussen mense met ’n mes sny, en woorde soos ‘boer’ en ‘witman’, en ‘Malema’ het vloekwoorde geword. Die mense het almal mekaar se vyande geword (vers 10).
Maar, liewe vriende, ons moet weet dat die Here se gedagtes nie soos ons gedagtes is nie, en dat die Here se weë nie soos ons weë is nie (Jesaja 55:8). Al lyk dinge dikwels vir ons onmoontlik, vir die Here is niks onmoontlik nie... En daarom kom beloof die Here ook dat hy die situasie in Israel kan omdraai... Dit is hy wat die oumense weer kan laat veilig voel, en die spelende jongmense vol energie kan terugbring... Dit is hy wat die ekonomie kan omdraai, sodat ons weer mense kan huur, en diere kan bekostig. Dit is hy wat sal sorg dat die wingerstok sy druiwe dra, die land sy oes sal lewer, en die hemel sy vog sal gee (vers 12).
En daarom, liewe vriende, wil die Here ook vanoggend, op 24 Oktober 2010 vir jou in vers 9 kom sê: “Skep moed!”. Net soos die Here die lot van Israel verander het, kan Hy dit ook in ons land doen... Net soos die Here weer vir Israel in hulle gesaaides voorsien het, kan Hy dit vir ons ook doen. Net soos die Here vrede in Israel gebring het, kan Hy dit vir ons ook doen...
MAAR... Ons moet onthou dat die Here ook sy volk se situasie met ’n doel verander. Die Here wil juis ook ons lewens as ’n getuienis van sy Almag gebruik, ’n getuienis dat niks vir Hom onmoontlik is nie... En daarom wil Hy ook hê dat ons lewens moet verander. Daarom vra Hy in vers 17... Praat die waarheid met mekaar... Oordeel regverdig oor ander... Moenie bose planne teen mekaar bedink nie... Ek wil hê dat daar vrede onder julle moet wees... Bly by die waarheid, net die waarheid, en moet niks daarby byvoeg nie...
Daar in Gaborone het ek ’n dominee geken wat sy paspoort eendag in Johannesburg vergeet het... Toe hy by die Botswana grens kom, en ontdek dat hy sy paspoort vergeet het, het hy aan drie opsies gedink... Of hy kon sy vrou laat bestuur en ongemerk deur die grens probeer gaan, of hy kon ’n baie hartseer liegstorie vir die doeane vertel, of hy kon die hele 300km terugry Pretoria toe en sy paspoort gaan haal.
Terwyl hy dink wat om te doen, kom die woorde van Johannes 8:32 by Hom op... “En julle sal die waarheid ken, en die waarheid sal julle vry maak... En weet julle, liewe vriende, so het die dominee toe die waarheid vertel, en hulle het hom deur die grens laat gaan sonder ’n paspoort! Hoe dikwels kies ons nie die waarheid as die laaste uitweg nie?
Maar Sagaria 8 kom praat nie net oor die waarheid teenoor die leuen nie. Dit kom praat ook oor die volk se vasdae en byeenkomste... Wanneer die waarheid seëvier, en daar vrede heers, maak dit ook ’n verskil aan die wyse waarop die mense bymekaarkom. In vers 18 en 19 kom beloof die Here dat die treurige vasdae in dae van blydskap sal verander. Ja, die gemeente sal werklik weer die vreugde van die Here ervaar.
Maar hierdie dinge sal net gebeur as die volk die waarheid praat en sorg dat daar vrede onder hulle is... Weet julle, liewe boeties en sussies in Jesus, dat ’n groot deel van ons traagheid wanneer ons op die Sondag hier bymekaar sit, en ons lusteloosheid en ons gebrek aan vreugde ook gaan oor ons verhoudinge met mekaar? Want as jy die heeltyd dink aan so en so ’n persoon wat jou te na gekom het, gaan jy mos nie gelukkig wees in die erediens nie? Dan gaan jy nie die Here kan loof en die vreugde ervaar wat jy moet nie?
As ons werklik ’n getuienis teenoor die wêreld wil wees, as ons wil hê dat die nasies na ons toe sal aanstroom, dan moet ons onderlinge verhoudinge begin verander. Dan moet ons die teenwoordigheid van die Here in ons liefde en ons openheid teenoor mekaar weerspieël. Dan moet ons weer die woorde van Johannes 13:35 ter harte neem, wanneer dit sê: “As julle mekaar liefhet, sal almal weet dat julle dissipels van my is...”
En dit is presies wat die Here oor Israel voorspel het, en wat in die Nuwe Testament waar geword het. Mense het na Jerusalem gestroom om die wil van die Here te vra... Mense het om die dissipels, om Jesus saamgedrom, omdat hulle ervaar het dat die Here teenwoordig was, dat die Here besig was om daar te werk. In Handelinge 2:44 lees ons dat die volk “eensgesind was en alles met mekaar gedeel het.” En daarom lees ons in Handelinge 2:47 dat die Here elke dag mense by die gemeente gevoeg het...
Weet julle, liewe vriende, ook in Bospoort gemeente hoor ek gereeld van die dae toe die kerkgebou so vol gesit het dat Oom Christoph en Tannie Murial met hulle vier dogters hier heel voor in die kerk moes kom sit. Ons kla baie oor mense wat nie meer kerk toe kom nie, en aanvaar die leë kerk maar net as iets waaraan ons niks kan doen nie...
Maar Sagaria 8 kom leer vir ons dat dinge kan verander. Dat dit in die eerste plek kan verander as ons die Here toelaat om ons omstandighede te verander. Dat dit slegs werklik kan verander as ons leer om die waarheid te praat, op te hou om bose planne te smee, en werklik in vrede onder mekaar kan leef. Alleen dan kan mense na die kerk kyk en die vreugde in die erediens raaksien, en sê: “Die Here is hier teenwoordig!”
Ek sluit af... Daar word ’n verhaal vertel van ’n sekere klooster wat besig was om totaal dood te loop (dit was seker soos die klooster waar ek in Duitsland was, waar hulle vertel dat daar op ’n stadium net 3 monnike in ’n klooster van 400 kamers was). Die hoof of die ab van die klooster het toe na sy rabbi-vriend in die dorp gegaan, om vir hom raad te vra oor hoe om die situasie in die klooster te verander.
Die Rabbi het aan hom geantwoord dat een van hulle die Messias was. Die ab het na die ander monnike toe teruggegaan, en aan hulle die nuus gaan vertel. Ewe skielik het almal anders teenoor mekaar begin optree. Hulle het nie geweet wie van hulle die Messias was nie, en daarom het hulle niemand sommer sleggesê of beskinder nie. Kort voor lank het die omgewing gesien dat daar ’n verandering tussen die monnike was. Hulle het weer by die klooster kom piekniek hou, en baie nuwe monnike het ook by die klooster aangesluit...
Hoe lyk dit in ons lewens. Besef ons dat Christus en die Heilige Gees in ons woon, en dat ons mekaar werklik moet respekteer? Of behandel ons mekaar dikwels as opponente, sonder om toe te laat dat die son op die ander skyn? Kom ons word vir ’n paar minute stil, en ons dink oor ons gesindheid. Kom ons dink oor ons eie aandeel aan die doodsheid in ons kerk, en vra die Here om werklik ’n verskil daaraan te maak.
AMEN!
Sunday, October 24, 2010
Tuesday, January 26, 2010
Joël 2:28-32 Bid vir jonk én oud!
Preek gelewer tydens Week van gebed op Maandag 25 Januarie 2010.
Maandagaand 25 - Januarie Bid vir oud en jonk.
Ek kyk op na die berge
Flam 206 My hande hef, ek op na U
I love you, Lord
I Worship you
Lied 528:1-3 Leer my U wil Heer.
Halleluja
Lofsang:
Lied 200 U Goedheid Heer, kan ons nie peil nie.
Slotsang:
Oorwinningslied
Kondig af van Mighty Men vergadering Woensdag na biduur.
Ek glo dat elkeen van julle die Ou Mutual advertensie onthou waarin die volgende persone as die beste kans uitgebeeld word om die Olimpiese Spele te wen. ‘n Swanger vrou, ‘n pap babatjie, en ‘n ou man in ‘n rystoel. Deur hulle kredietkaarte te gebruik, het hulle dit as’t ware moontlik gemaak vir ‘n atleet om die fondse te kan hê om na die Olimpiese Spele te kan gaan.
Ons mense leef dikwels met dit wat die engelse noem “mind-blocks” of blinde kolle in ons lewens. Ons soek so dikwels die oplossings of die antwoorde vir situasies op totaal verkeerde plekke.
Net so was dit ook in die tyd van die Ou Testament. Die volk Israel in die tyd van Joël het ervaar hoe die straf van God oor die volk net erger en erger word. Amper soos in die tyd van Noag het die mense net gedoen wat hulle wil. Selfs die priesters is beveel om voor die Here te buig, omdat hulle en die volk van die Here afgedwaal het.
In ‘n sin het die tempel en dit wat in die tempels geleer word, net nie meer ‘n verskil gemaak in die samelewing rondom hulle nie. En so het die Here besluit om die samelewing tot stilstand te ruk. Die Here sê dat die droogtes wat hulle tot op daardie stadium ervaar het, niks is teenoor wat nog vir hulle sou voorlê nie. Hy kon nie toelaat dat die wêreld net voortstoom sonder om van God kennis te neem, en dat selfs die Here se volk oppad was om totaal te gronde te gaan nie.
Wie sou ‘n werklike verskil in hierdie situasie kon maak? Wie sou werklik kon ingryp? Deur die tyd van die ballingskap heen was die volk ontwortel van hulle leiers. Alle weerbare manne is weggevoer of doodgemaak. En tog, tog kom kom gee die Here deur Joël ‘n verassende profesie...
Die redding kom uit ‘n onverwagte oord. Die profeet Joël wys duidelik dat die seuns en dogters as profete sal optree, dat die oumense sal drome droom, en dat jong mans visioene sal sien, en die volk sal inspireer. Ja, juis hulle in die samelewing wat nie deur die ander raakgesien is nie, hulle word die kern van die volk Israel. Deur die jongmense en die seniors in die tyd van Joël, kom beloof die Here ‘n daadwerklike verandering.
Selfs die bediendes, die slawe, hulle wat nie raakgesien word nie, selfs hulle bring ‘n totaal nuwe Gees en ingesteldheid na vore...
Hier in die jaar 2010 na Christus, sit ons dikwels ook met dieselfde vrese as Joël. Ons wonder dikwels wat van die kerk in die toekoms gaan word. Ons wonder dikwels waarheen alles oppad is, omdat dit lyk asof niemand hom of haar meer aan die kerk steur nie.
Dobbelary en losbandigheid neem elke dag toe. Korrupsie en buite-egtelike kinders is steeds aan die toeneem, terwyl die meeste van hierdie mense Sondae in die kerk sit. Ons leef in ‘n tyd waar amper elkeen wat hier sit ‘n geval van drank- of dwelmverslawing in sy of haar familie kan opnoem. Alhoewel die TV dikwels met ‘n Christelike boodskap geopen word, word daar baie dinge op die TV gewys wat nie met ons Christenskap strook nie. Hoe gaan ons as kerk weer ‘n invloed op die samelewing kan uitoefen.
Liewe seuns en dogters, liewe slawe en slavinne, liewe senior burgers, ek glo dat hierdie veranderinge net in ons tyd kan gebeur wanneer ons besef dat die oplossing vir ons getuienis in die samelewing dikwels in die “blinde kolle” lê. Eers wanneer ons besef dat daar ‘n ontsaglike potensiaal in ons jeug opgesluit lê, en dat ons nog so baie by ons seniors te leer het, kan ons werklik begin om te bou aan God se koninkryk...
Joël kom maak weer vanaand ons oë oop, en wys aan ons dat daar in ons kinders, in ons jong seuns en meisies baie meer opgesluit lê as wat ons dikwels raaksien. Dit gaan immers nie wat ons in hulle raaksien nie, maar oor dit wat God in hulle raaksien en hoe Hy hulle kan gebruik.
Maar God kan hulle ook net gebruik as die Gees hulle werklik vervul, en hulle laat profeteer en drome droom. Alleen God kan aan ons jongmanne ‘n visie gee om werklik die leiding te neem en sy kerk in ‘n rigting te lei. Alleen God kan ook vir ons ouer mense wat dikwels aan energie ontbreek, die genade gee om met vrymoedigheid hulle ervaring en hulle visie vir die kerk te deel...
En daarom, liewe vriende, word ons opgeroep om ook vir ons jongmense en vir ons seniors te bid. Ons word opgeroep om ook te vra dat die Gees hulle sal vul en voluit in God se koninkryk sal gebruik. Ons word opgeroep om te bid dat God ook die wat nie in aansien is nie, ophef deur sy Gees, sodat hulle in ons samelewing ‘n verskil kan maak.
Die bekende sendeling Hudson Taylor het gesê dat al God se reuse in der waarheid swakkelinge was. Al God se Reuse is ook geroep uit ‘n situasie waar hulle geen aansien gehad het nie... Dink maar aan Moses in die biesiemandjie,Gideon wat as ‘n jong seun die afgodsbeelde moes afbreek, Dawid wat as jong herder geroep is om die reus Goliat te verslaan, sowel as koning Josia wat op 8 jaar oud koning geword het.
Maar die Here het ook seniors in hulle gryse jare geroep. Nie alleen het Simeon die Here Jesus geseën en besing by sy besnydenis nie, maar Johannes die apostel het in die rype ouderdom van 90 jaar daar op die eiland Patmos die Openbaring van Johannes ontvang, wat vandag nog as deel van die Bybel gelees word, en dien as bron van inspirasie vir soveel mense.
Ek sluit af... Daar word vertel van ‘n ou oom wat ‘n boom geplant het... Die ou man het vol rumatiek in sy tuin gebuk en met groot moeite ‘n perskeboom geplant. Iemand wat daar verbygeloop het, het die oom gespot, en gevra. Oom, hoekom plant oom ‘n boom? Oom gaan mos al lankal dood wees teen die tyd dat daardie boom vrugte dra? My vriend, het die oom geantwoord, ek weet dat ek nie daarvan sal geniet nie, maar dat my kinders en kleinkinders daarvan sal geniet. En die wete is vir my genoeg.
Ja, vriende, ons besef nie hoeveel ons seniors bereid is om te doen, en hoe hulle ook ‘n visie het wat verder strek as wat ons ooit besef nie. Kom ons maak moeite om vir hulle te bid, en van die Here te vra om hulle werklik te dra. Maar mag ons ook nooit ons kinders, ons jong seuns en dogters, ons jongmanne en jongmeisies vergeet nie. Mag ons nie hulle wat nie vir mense belangrik is vergeet nie. Ons weet immers wat hulle in die Here se koninkryk kan beteken! Ons kan nie eers begin om te dink wat hulle kan beteken wanneer hulle hulle werklik vir die Heilige Gees oopstel nie!
AMEN!
Maandagaand 25 - Januarie Bid vir oud en jonk.
Ek kyk op na die berge
Flam 206 My hande hef, ek op na U
I love you, Lord
I Worship you
Lied 528:1-3 Leer my U wil Heer.
Halleluja
Lofsang:
Lied 200 U Goedheid Heer, kan ons nie peil nie.
Slotsang:
Oorwinningslied
Kondig af van Mighty Men vergadering Woensdag na biduur.
Ek glo dat elkeen van julle die Ou Mutual advertensie onthou waarin die volgende persone as die beste kans uitgebeeld word om die Olimpiese Spele te wen. ‘n Swanger vrou, ‘n pap babatjie, en ‘n ou man in ‘n rystoel. Deur hulle kredietkaarte te gebruik, het hulle dit as’t ware moontlik gemaak vir ‘n atleet om die fondse te kan hê om na die Olimpiese Spele te kan gaan.
Ons mense leef dikwels met dit wat die engelse noem “mind-blocks” of blinde kolle in ons lewens. Ons soek so dikwels die oplossings of die antwoorde vir situasies op totaal verkeerde plekke.
Net so was dit ook in die tyd van die Ou Testament. Die volk Israel in die tyd van Joël het ervaar hoe die straf van God oor die volk net erger en erger word. Amper soos in die tyd van Noag het die mense net gedoen wat hulle wil. Selfs die priesters is beveel om voor die Here te buig, omdat hulle en die volk van die Here afgedwaal het.
In ‘n sin het die tempel en dit wat in die tempels geleer word, net nie meer ‘n verskil gemaak in die samelewing rondom hulle nie. En so het die Here besluit om die samelewing tot stilstand te ruk. Die Here sê dat die droogtes wat hulle tot op daardie stadium ervaar het, niks is teenoor wat nog vir hulle sou voorlê nie. Hy kon nie toelaat dat die wêreld net voortstoom sonder om van God kennis te neem, en dat selfs die Here se volk oppad was om totaal te gronde te gaan nie.
Wie sou ‘n werklike verskil in hierdie situasie kon maak? Wie sou werklik kon ingryp? Deur die tyd van die ballingskap heen was die volk ontwortel van hulle leiers. Alle weerbare manne is weggevoer of doodgemaak. En tog, tog kom kom gee die Here deur Joël ‘n verassende profesie...
Die redding kom uit ‘n onverwagte oord. Die profeet Joël wys duidelik dat die seuns en dogters as profete sal optree, dat die oumense sal drome droom, en dat jong mans visioene sal sien, en die volk sal inspireer. Ja, juis hulle in die samelewing wat nie deur die ander raakgesien is nie, hulle word die kern van die volk Israel. Deur die jongmense en die seniors in die tyd van Joël, kom beloof die Here ‘n daadwerklike verandering.
Selfs die bediendes, die slawe, hulle wat nie raakgesien word nie, selfs hulle bring ‘n totaal nuwe Gees en ingesteldheid na vore...
Hier in die jaar 2010 na Christus, sit ons dikwels ook met dieselfde vrese as Joël. Ons wonder dikwels wat van die kerk in die toekoms gaan word. Ons wonder dikwels waarheen alles oppad is, omdat dit lyk asof niemand hom of haar meer aan die kerk steur nie.
Dobbelary en losbandigheid neem elke dag toe. Korrupsie en buite-egtelike kinders is steeds aan die toeneem, terwyl die meeste van hierdie mense Sondae in die kerk sit. Ons leef in ‘n tyd waar amper elkeen wat hier sit ‘n geval van drank- of dwelmverslawing in sy of haar familie kan opnoem. Alhoewel die TV dikwels met ‘n Christelike boodskap geopen word, word daar baie dinge op die TV gewys wat nie met ons Christenskap strook nie. Hoe gaan ons as kerk weer ‘n invloed op die samelewing kan uitoefen.
Liewe seuns en dogters, liewe slawe en slavinne, liewe senior burgers, ek glo dat hierdie veranderinge net in ons tyd kan gebeur wanneer ons besef dat die oplossing vir ons getuienis in die samelewing dikwels in die “blinde kolle” lê. Eers wanneer ons besef dat daar ‘n ontsaglike potensiaal in ons jeug opgesluit lê, en dat ons nog so baie by ons seniors te leer het, kan ons werklik begin om te bou aan God se koninkryk...
Joël kom maak weer vanaand ons oë oop, en wys aan ons dat daar in ons kinders, in ons jong seuns en meisies baie meer opgesluit lê as wat ons dikwels raaksien. Dit gaan immers nie wat ons in hulle raaksien nie, maar oor dit wat God in hulle raaksien en hoe Hy hulle kan gebruik.
Maar God kan hulle ook net gebruik as die Gees hulle werklik vervul, en hulle laat profeteer en drome droom. Alleen God kan aan ons jongmanne ‘n visie gee om werklik die leiding te neem en sy kerk in ‘n rigting te lei. Alleen God kan ook vir ons ouer mense wat dikwels aan energie ontbreek, die genade gee om met vrymoedigheid hulle ervaring en hulle visie vir die kerk te deel...
En daarom, liewe vriende, word ons opgeroep om ook vir ons jongmense en vir ons seniors te bid. Ons word opgeroep om ook te vra dat die Gees hulle sal vul en voluit in God se koninkryk sal gebruik. Ons word opgeroep om te bid dat God ook die wat nie in aansien is nie, ophef deur sy Gees, sodat hulle in ons samelewing ‘n verskil kan maak.
Die bekende sendeling Hudson Taylor het gesê dat al God se reuse in der waarheid swakkelinge was. Al God se Reuse is ook geroep uit ‘n situasie waar hulle geen aansien gehad het nie... Dink maar aan Moses in die biesiemandjie,Gideon wat as ‘n jong seun die afgodsbeelde moes afbreek, Dawid wat as jong herder geroep is om die reus Goliat te verslaan, sowel as koning Josia wat op 8 jaar oud koning geword het.
Maar die Here het ook seniors in hulle gryse jare geroep. Nie alleen het Simeon die Here Jesus geseën en besing by sy besnydenis nie, maar Johannes die apostel het in die rype ouderdom van 90 jaar daar op die eiland Patmos die Openbaring van Johannes ontvang, wat vandag nog as deel van die Bybel gelees word, en dien as bron van inspirasie vir soveel mense.
Ek sluit af... Daar word vertel van ‘n ou oom wat ‘n boom geplant het... Die ou man het vol rumatiek in sy tuin gebuk en met groot moeite ‘n perskeboom geplant. Iemand wat daar verbygeloop het, het die oom gespot, en gevra. Oom, hoekom plant oom ‘n boom? Oom gaan mos al lankal dood wees teen die tyd dat daardie boom vrugte dra? My vriend, het die oom geantwoord, ek weet dat ek nie daarvan sal geniet nie, maar dat my kinders en kleinkinders daarvan sal geniet. En die wete is vir my genoeg.
Ja, vriende, ons besef nie hoeveel ons seniors bereid is om te doen, en hoe hulle ook ‘n visie het wat verder strek as wat ons ooit besef nie. Kom ons maak moeite om vir hulle te bid, en van die Here te vra om hulle werklik te dra. Maar mag ons ook nooit ons kinders, ons jong seuns en dogters, ons jongmanne en jongmeisies vergeet nie. Mag ons nie hulle wat nie vir mense belangrik is vergeet nie. Ons weet immers wat hulle in die Here se koninkryk kan beteken! Ons kan nie eers begin om te dink wat hulle kan beteken wanneer hulle hulle werklik vir die Heilige Gees oopstel nie!
AMEN!
Matt. 5:43-48 Bid vir jou vyand!
Preek gelewer op Sondag 24 Januarie – Kinderdiens.
Liturgie:
Sondag 24 Februarie (Bid vir jou vyand – kinderdiens)
Hoe groot is ons God!
Beeld van God
Pinksterlied
Lied 539 Tien meisies met hul lampe
Flam 206 My hande hef ek op na U
Lofsang:
Lof-Medley
Na Wet en toneelspel:
Koning van my hart
Slotsang:
Meer en meer soos Jesus
Dialoog tussen Bekkie en Oom Johannes. – DIE BLOU-OOG
Oom Johannes: Hallo Bekkie, en waar kom daai blou oog vandaan?
Bekkie: Hallo oom Johannes, (snik) Pippie het my op die oog geslaan!
Oom Johannes: Haai Bekkie, het julle dan baklei?
Bekkie: (Half skaam) Ja oom Johannes, (snik) maar ek het haar teruggekry… ek het haar sommer op die maermerrie geskop!
Oom Johannes: Bekkie, maar dit is mos nie mooi as dogtertjies baklei nie, veral nie as hulle mekaar blou-oog slaan nie?
Bekkie: Ja, oom Johannes ek weet, maar sy was baie lelik met my. Ek gaan nooit weer met haar praat nie!
Oom Johannes: Weet jy Bekkie, die mense in die Bybel se tyd het vir die Liewe Jesus ook blou-oog geslaan.
Bekkie: Rerig, oom Johannes?
Oom Johannes: En dit was nie al nie... Hulle het dorings op sy kop ingedruk, Hom met swepe geslaan, op hom gespoeg, en hom nog met net sulke lang spykers deur sy hande en voete aan ‘n kruis vasgeslaan!
Bekkie: Toe was Jesus seker baie kwaad... Ek sou gewees het!
O J: Nee, Bekkie Jesus het niks aan hulle teruggedoen nie.
Bekkie: Rerig oom Johannes? Hoekom het hy niks gedoen nie? Jesus is mos baie sterk!
O J: Wel, Jesus kon sy engele geroep het om hulle almal se koppe af te kap, maar Hy het dit nie gedoen nie. Hy het vir hulle gebid!
Bekkie: Gebid, Oom Johannes? Wat het Hy gebid.
O J: Hy het gebid dat God, sy Vader, hulle moet vergewe, omdat hulle nie weet wat hulle gedoen het nie.
Bekkie: Haai, Oom Johannes, nou voel ek baie sleg omdat ek vir Pikkie geskop het. Kan ek nog vir haar ook bid, Oom Johannes?
O J: Ja virseker, Bekkie. Die Here Jesus sal baie bly wees as jy vir Pikkie ook bid. Want hier in die Bybel staan dat ons vir ons nie net vir ons vriende nie, maar ons vyande ook moet bid.
Bekkie: Ek voel nou baie skaam oor wat ek gedoen het. Sal Oom Johannes vir my help om te bid?
O J: Ja, Bekkie, met graagte. Kom ons maak die oë toe. Bid stuksgewyse gebed waarin hy vir God vra om vir Pikkie te vergewe, en ook vir Bekkie self te vergewe).
Bekkie: (Bid sin vir sin agter Oom Johannes aan). Dankie Oom Johannes! Ek voel nou baie beter! Ek is so bly Bekkie.
O J: Jy kan weet dat die Here jou heeltemal vergewe het, en dat Hy ook vir Pikkie baie lief is, en nie wil hê dat julle moet baklei nie.
Bekkie: Baie dankie Oom Johannes. Ek het netnou so hartseer gevoel, en nou is ek baie bly dat die Here Jesus nie net ander vergewe het nie, maar ook vir my gehelp het om Pikkie te vergewe. Baie dankie, Oom Johannes.
O J: Jy moet vir die Here dankie sê, Bekkie. Dit is net omdat Hy vir ons so lief gehad het, dat ons mekaar ook kan vergewe en kan liefhê. Totsiens.
Bekkie: Totsiens, oom Johannes!
Boodskap:
Een van die grootste skandes wat ‘n matriekmeisie kan oorkom, is wanneer sy met presies dieselfde rok as ‘n ander meisie by haar matriekafskeid aankom. Want vir elke vrou is dit belangrik om uniek te lyk. Die woord uniek beteken dat daar altyd ietsie anders aan ‘n vrou sal wees as ander vrouens.
Maar dit is nie net vir vroue waar nie... Nee, selfs op skool al sien ‘n mens dikwels by jongmense ‘n poging om net anders as ander te wees. Of dit nou is met ‘n wilde haarstyl, ‘n snaakse oorbel in die oor, of ‘n uitspattige of gewaagde kledingstuk is, elkeen wil uniek, elkeen wil graag anders wees. Niemand wil net ‘n nommer tussen duisende ander wees nie.
As jy ook vanoggend iemand is wat tog anders wil wees, wat jou eie menswees of identiteit wil behou, dan hoef jy nie sleg te voel nie. Wat Jesus, die hoof van die kerk, ons Verlosser, kom beveel ons om anders te wees. Maar ek bedoel nou nie dat Jesus ons beveel om ‘n naelring of ‘n neusring te dra nie, maar dat Hy wil hê dat Christene anders moet leef, optree en ook bid as mense rondom hulle. Jesus self anders was in Sy tyd, en anders as al die mense rondom hom geleef het...
Maar hoe verskil Jesus se anders van ons anders? Amper alle mense is baie lief vir hulle familie of mense wat naby aan hulle is. Die meeste mense is lief vir hulle ma’s, hulle pa’s, hulle boeties, hulle sussies, en hulle kinders. Ja, mens is ook baie lief vir jou vriende... Ek is seker baie van julle was baie bly toe julle by die skool gekom het na die lang vakansie, en weer julle maats en julle vriende kon sien. Julle het hulle seker baie bly gegroet met ‘n drukkie, of selfs ‘n soentjie.
Maar weet julle liewe kinders. Daar is baie min mense wat hulle vyande groet. Ja selfs daar by die skool is daar waarskynlik ‘n maatjie wat jou afknou, met jou spot en jou verneder. Ons groet sulke mense nie graag nie. Ons is dikwels nie eers bly om hulle weer te sien nie. Daar is selfs ‘n liedjie in Afrikaans geskryf wat sê: “Ek wil jou nooit weer sien nie... die lewe is te kort daarvoor. Ek wil eerder myself geniet.”
Die meeste mense is maar so. Hulle het die lief wat hulle lief het, en haat die mense wat hulle vyande is, van wie hulle nie hou nie. In Matt. 5:43 lees ons dat die wêreld almal so sê: “Jou naaste moet jy liefhê en jou vyand moet jy haat... In Jesus se tyd het die mense net hulle vriende gegroet. Hulle het net die liefgehad wat hulle vriende liefgehad het...
Maar weet julle maats, die Bybel kom leer vir ons anders... Die Bybel kom leer aan ons dat God almal liefhet, en dat Hy vir almal in die lewe iets gun. As dit reën, dan reën dit mos ook op daardie kwaai boer se grond wat baie suinig is. As die son skyn, dan skyn dit ook op die mielies van hulle wat niks met die kerk of met die Here te doen wil hê nie.
Ook God se Seun, Jesus Christus, was soos sy Pa. In Sy tyd het hy baie vyande gehad... Maar Hy het niemand gehaat nie... Nee, inteendeel, hy het probeer om almal te red... En daarom het Hy selfs aan die kruis, toe al daardie mense geskree het en Hom bespot het, gebid: “Vader vergeef hulle, want hulle weet nie wat hulle doen nie.”
Maar nou kan ‘n mens vra: “Dominee, hoe moet ek nou anders optree teenoor daardie maatjie wat my slegsê? Hoe moet maak as hy of sy nie eers met my wil speel nie? Die Here leer ons dat ons eers by onsself moet begin. Ons moet die Here om verskoning vra vir die gevoelens in ons binneste, en vra dat Hy ons kom verander, sodat ons sulke mense werklik lief kan hê.
Maar daar is nog ‘n belangrike ding... Niemand kan ons keer om vir hulle te bid nie. As ons werklik ernstig is dat hulle moet verander en vriendelik moet word, dan moet ons vir hulle bid. Ons moet bid dat die Here hulle harte sal verander, sodat hulle Hom werklik kan prys, maar ook in vrede met ander mense rondom hulle sal lewe. Ons moet onthou dat die Here ons ook vergewe het, en dat ons daarom ander om ons ook moet kan vergewe.
As ons anders wil wees soos Jesus, en ons vyande wil liefhê, dan moet ons vandag begin om vir ons vyande te bid. Ons moet weet dat Jesus ook vir sy vyande gebid het, en dat Hy ons leer hoe om te bid. Ja, julle het reg gehoor. Jesus het selfs vir ons ‘n gebed geleer daar in Lukas 11, en ek wil hê julle moet dit agter my aanbid:
Vader, ons bid dat almal in Suid-Afrika vir U respek sal hê;
Ons bid ook dat U koning sal wees in die lewe van elke mens in hierdie land.
Sorg asseblief vir alles wat ons nodig het elke dag.
Vergewe ons waar ons dinge gedoen het wat U nie wil hê nie.
Help ons om net soos U ander mense te vergewe,
wanneer hulle iets teen ons verkeerd gedoen het.
Help asseblief vir ons om nie af te dwaal van U af nie,
maar maak ons vry van die kwaad in ons lewe,
Sodat ons eendag in die Hemel saam met U sal kan lewe.
AMEN!
Liturgie:
Sondag 24 Februarie (Bid vir jou vyand – kinderdiens)
Hoe groot is ons God!
Beeld van God
Pinksterlied
Lied 539 Tien meisies met hul lampe
Flam 206 My hande hef ek op na U
Lofsang:
Lof-Medley
Na Wet en toneelspel:
Koning van my hart
Slotsang:
Meer en meer soos Jesus
Dialoog tussen Bekkie en Oom Johannes. – DIE BLOU-OOG
Oom Johannes: Hallo Bekkie, en waar kom daai blou oog vandaan?
Bekkie: Hallo oom Johannes, (snik) Pippie het my op die oog geslaan!
Oom Johannes: Haai Bekkie, het julle dan baklei?
Bekkie: (Half skaam) Ja oom Johannes, (snik) maar ek het haar teruggekry… ek het haar sommer op die maermerrie geskop!
Oom Johannes: Bekkie, maar dit is mos nie mooi as dogtertjies baklei nie, veral nie as hulle mekaar blou-oog slaan nie?
Bekkie: Ja, oom Johannes ek weet, maar sy was baie lelik met my. Ek gaan nooit weer met haar praat nie!
Oom Johannes: Weet jy Bekkie, die mense in die Bybel se tyd het vir die Liewe Jesus ook blou-oog geslaan.
Bekkie: Rerig, oom Johannes?
Oom Johannes: En dit was nie al nie... Hulle het dorings op sy kop ingedruk, Hom met swepe geslaan, op hom gespoeg, en hom nog met net sulke lang spykers deur sy hande en voete aan ‘n kruis vasgeslaan!
Bekkie: Toe was Jesus seker baie kwaad... Ek sou gewees het!
O J: Nee, Bekkie Jesus het niks aan hulle teruggedoen nie.
Bekkie: Rerig oom Johannes? Hoekom het hy niks gedoen nie? Jesus is mos baie sterk!
O J: Wel, Jesus kon sy engele geroep het om hulle almal se koppe af te kap, maar Hy het dit nie gedoen nie. Hy het vir hulle gebid!
Bekkie: Gebid, Oom Johannes? Wat het Hy gebid.
O J: Hy het gebid dat God, sy Vader, hulle moet vergewe, omdat hulle nie weet wat hulle gedoen het nie.
Bekkie: Haai, Oom Johannes, nou voel ek baie sleg omdat ek vir Pikkie geskop het. Kan ek nog vir haar ook bid, Oom Johannes?
O J: Ja virseker, Bekkie. Die Here Jesus sal baie bly wees as jy vir Pikkie ook bid. Want hier in die Bybel staan dat ons vir ons nie net vir ons vriende nie, maar ons vyande ook moet bid.
Bekkie: Ek voel nou baie skaam oor wat ek gedoen het. Sal Oom Johannes vir my help om te bid?
O J: Ja, Bekkie, met graagte. Kom ons maak die oë toe. Bid stuksgewyse gebed waarin hy vir God vra om vir Pikkie te vergewe, en ook vir Bekkie self te vergewe).
Bekkie: (Bid sin vir sin agter Oom Johannes aan). Dankie Oom Johannes! Ek voel nou baie beter! Ek is so bly Bekkie.
O J: Jy kan weet dat die Here jou heeltemal vergewe het, en dat Hy ook vir Pikkie baie lief is, en nie wil hê dat julle moet baklei nie.
Bekkie: Baie dankie Oom Johannes. Ek het netnou so hartseer gevoel, en nou is ek baie bly dat die Here Jesus nie net ander vergewe het nie, maar ook vir my gehelp het om Pikkie te vergewe. Baie dankie, Oom Johannes.
O J: Jy moet vir die Here dankie sê, Bekkie. Dit is net omdat Hy vir ons so lief gehad het, dat ons mekaar ook kan vergewe en kan liefhê. Totsiens.
Bekkie: Totsiens, oom Johannes!
Boodskap:
Een van die grootste skandes wat ‘n matriekmeisie kan oorkom, is wanneer sy met presies dieselfde rok as ‘n ander meisie by haar matriekafskeid aankom. Want vir elke vrou is dit belangrik om uniek te lyk. Die woord uniek beteken dat daar altyd ietsie anders aan ‘n vrou sal wees as ander vrouens.
Maar dit is nie net vir vroue waar nie... Nee, selfs op skool al sien ‘n mens dikwels by jongmense ‘n poging om net anders as ander te wees. Of dit nou is met ‘n wilde haarstyl, ‘n snaakse oorbel in die oor, of ‘n uitspattige of gewaagde kledingstuk is, elkeen wil uniek, elkeen wil graag anders wees. Niemand wil net ‘n nommer tussen duisende ander wees nie.
As jy ook vanoggend iemand is wat tog anders wil wees, wat jou eie menswees of identiteit wil behou, dan hoef jy nie sleg te voel nie. Wat Jesus, die hoof van die kerk, ons Verlosser, kom beveel ons om anders te wees. Maar ek bedoel nou nie dat Jesus ons beveel om ‘n naelring of ‘n neusring te dra nie, maar dat Hy wil hê dat Christene anders moet leef, optree en ook bid as mense rondom hulle. Jesus self anders was in Sy tyd, en anders as al die mense rondom hom geleef het...
Maar hoe verskil Jesus se anders van ons anders? Amper alle mense is baie lief vir hulle familie of mense wat naby aan hulle is. Die meeste mense is lief vir hulle ma’s, hulle pa’s, hulle boeties, hulle sussies, en hulle kinders. Ja, mens is ook baie lief vir jou vriende... Ek is seker baie van julle was baie bly toe julle by die skool gekom het na die lang vakansie, en weer julle maats en julle vriende kon sien. Julle het hulle seker baie bly gegroet met ‘n drukkie, of selfs ‘n soentjie.
Maar weet julle liewe kinders. Daar is baie min mense wat hulle vyande groet. Ja selfs daar by die skool is daar waarskynlik ‘n maatjie wat jou afknou, met jou spot en jou verneder. Ons groet sulke mense nie graag nie. Ons is dikwels nie eers bly om hulle weer te sien nie. Daar is selfs ‘n liedjie in Afrikaans geskryf wat sê: “Ek wil jou nooit weer sien nie... die lewe is te kort daarvoor. Ek wil eerder myself geniet.”
Die meeste mense is maar so. Hulle het die lief wat hulle lief het, en haat die mense wat hulle vyande is, van wie hulle nie hou nie. In Matt. 5:43 lees ons dat die wêreld almal so sê: “Jou naaste moet jy liefhê en jou vyand moet jy haat... In Jesus se tyd het die mense net hulle vriende gegroet. Hulle het net die liefgehad wat hulle vriende liefgehad het...
Maar weet julle maats, die Bybel kom leer vir ons anders... Die Bybel kom leer aan ons dat God almal liefhet, en dat Hy vir almal in die lewe iets gun. As dit reën, dan reën dit mos ook op daardie kwaai boer se grond wat baie suinig is. As die son skyn, dan skyn dit ook op die mielies van hulle wat niks met die kerk of met die Here te doen wil hê nie.
Ook God se Seun, Jesus Christus, was soos sy Pa. In Sy tyd het hy baie vyande gehad... Maar Hy het niemand gehaat nie... Nee, inteendeel, hy het probeer om almal te red... En daarom het Hy selfs aan die kruis, toe al daardie mense geskree het en Hom bespot het, gebid: “Vader vergeef hulle, want hulle weet nie wat hulle doen nie.”
Maar nou kan ‘n mens vra: “Dominee, hoe moet ek nou anders optree teenoor daardie maatjie wat my slegsê? Hoe moet maak as hy of sy nie eers met my wil speel nie? Die Here leer ons dat ons eers by onsself moet begin. Ons moet die Here om verskoning vra vir die gevoelens in ons binneste, en vra dat Hy ons kom verander, sodat ons sulke mense werklik lief kan hê.
Maar daar is nog ‘n belangrike ding... Niemand kan ons keer om vir hulle te bid nie. As ons werklik ernstig is dat hulle moet verander en vriendelik moet word, dan moet ons vir hulle bid. Ons moet bid dat die Here hulle harte sal verander, sodat hulle Hom werklik kan prys, maar ook in vrede met ander mense rondom hulle sal lewe. Ons moet onthou dat die Here ons ook vergewe het, en dat ons daarom ander om ons ook moet kan vergewe.
As ons anders wil wees soos Jesus, en ons vyande wil liefhê, dan moet ons vandag begin om vir ons vyande te bid. Ons moet weet dat Jesus ook vir sy vyande gebid het, en dat Hy ons leer hoe om te bid. Ja, julle het reg gehoor. Jesus het selfs vir ons ‘n gebed geleer daar in Lukas 11, en ek wil hê julle moet dit agter my aanbid:
Vader, ons bid dat almal in Suid-Afrika vir U respek sal hê;
Ons bid ook dat U koning sal wees in die lewe van elke mens in hierdie land.
Sorg asseblief vir alles wat ons nodig het elke dag.
Vergewe ons waar ons dinge gedoen het wat U nie wil hê nie.
Help ons om net soos U ander mense te vergewe,
wanneer hulle iets teen ons verkeerd gedoen het.
Help asseblief vir ons om nie af te dwaal van U af nie,
maar maak ons vry van die kwaad in ons lewe,
Sodat ons eendag in die Hemel saam met U sal kan lewe.
AMEN!
Tuesday, January 12, 2010
Josua 1 God is by jou!
Preek gelewer op 3 Januarie 2010 uit Josua 1:1-11
Flam 35 Oorwinningslied
Pinksterlied – Ons is gewone mense Here
Geestelike treffers 28 – Meer en meer soos Jesus
Lied 163 Soos ‘n wildsbok
Lofsang: Lied 281:1-3 Lei ons Here Groot en magtig
Na Wet: Lied 241:1-3 Troue Here van my lewe.
Slotsang: Lied 518 Voel jy soms of die Here te ver is.
Daar is baie dinge in die lewe wat ons eers moet verloor, voordat ons werklik besef het wat ons gehad het. Dit is amper soos om op ‘n wipplank op en af te gaan, en hard te val wanneer die ander persoon skielik van die wipplank afspring. Ek dink dat baie van julle al sulke belewenisse in die lewe gehad het. Miskien is dit die verlies van ‘n ouer, of ‘n broer of suster, of ‘n goeie vriend of vriendin, of ‘n lewensmaat, ‘n man of ‘n vrou. Of dalk het jy al ervaar hoe jou vrou vir ‘n week moet weggaan, en jy alleen na die huis, die kos en die kinders moet kyk.
Wanneer so iets gebeur, dan lyk alles wat so vanselfsprekend was, net nie meer so maklik nie. Dan word alles ewe skielike ingewikkeld. Net die wete dat iemand wat daar was, iemand op wie jy soos ‘n kruk kon leun, ewe skielik weg is, maak die lewe niks makliker nie.
As ‘n mens na Josua se lewe hier op die vooraand van die intog in Kanaän kyk, kan ‘n mens jouself net indink in watter situasie Josua moes gesit het. Hy was self daar in Kanaän saam met Kaleb en die ander 10 spioene. Hy het geweet hoe groot is die mense van die land. Maar hy het ook geweet van God se straf omdat Moses op die rots geslaan het, en nie met die rots gepraat het nie. Hy het geweet dat hy sonder Moses die beloofde land sou moes ingaan. En nou het dit gebeur. Moses is deur die Here weggeneem. Hy moet alleen die beloofde land binnegaan.
Josua het voor die taak gestaan om alleen die volk teen hierdie oormag van reuse te lei. Hy, ‘n klein, eenvoudige mens, is geroep om ‘n volk van oor ‘n miljoen mense deur die Jordaanrivier tot in die land Kanaän in te neem. En selfs die Jordaanrivier was nie ‘n vulletjie nie. Stel jou voor dat jy met ‘n miljoen mense deur die Vaalrivier moet trek! Sonder brûe moes hulle al die mense en diere veilig deur die rivier kry!
Maar die Here het geweet... Hy het Josua se hart gesien. Hy het geweet dat dit nie vir hom maklik moes wees nie. En daarom het hy self aan hom verskyn. Hy het hom kom verseker dat hy nie alleen is nie. Maar God het meer as dit gedoen. Hy het Josua verseker dat hy by hom is, en vooruit sou loop. Josua moes maar net in Sy voetspore volg...
Miskien sit jy ook vanoggend ‘n bietjie verward hier in die kerk... Miskien het jy in die afgelope tyd ook iemand verloor wat vir jou kosbaar was... Miskien het daar ook in die afgelope jaar omstandighede in jou lewe plaasgevind wat jou toekoms drasties raak. Miskien is daar siektetoestande wat jou en jou gesin se lewe drasties gaan beïnvloed. Dalk is daar ‘n nuwe wending in jou lewe, soos om skool-toe of hoërskool toe te gaan, ‘n werksverandering, ‘n verandering in jou boerdery of werksopset... Al hierdie dinge maak ons onseker. Maak dat ons ‘n nuwe jaar amper klaar moeg en gespanne binnegaan...
Maar ek wil jou kom nooi om te luister wat die Here vir Josua sê. Ek wil jou kom nooi om te besef wat dat dieselfde Here wat met Josua kom praat het, ook vanoggend hier in Bospoort met jou wil kom praat. Maar wat kom sê die Here vir Josua?
Hierdie 9 versies in Josua 1 is nie maar net ‘n paar leë woorde nie. Dit is ‘n openbaring van God se hart, en se plan vir Josua, maar ook vir elkeen van ons. Daar in vers 2 kom sê die Here vir Josua: “Moses is dood.” Ja, die Here kom sê eintlik aan hom dat hy besef watter gemis Josua in sy lewe gaan hê na Moses se dood. Dat hy ook besef in watter situasie Josua hom bevind. En daarom sê die Here aan hom baie duidelik in vers 5: “Soos ek by Moses was, so sal ek by jou wees. Ek sal jou nie in die steek laat nie, jou nie verlaat nie.”
Maar dan gaan die Here verder. Hy kom sê as’t ware vir Josua om die stap van geloof te neem. Hy moes nie langer wag nie, maar gereedmaak en voorberei om die Jordaanrivier oor te steek. Die Here beveel hom om deur die Jordaanrivier te gaan, en voort te gaan na die land Kanaän wat Hy aan die volk belowe het. Maar om deur die Jordaan te gaan, was nie speletjies nie. Al was die rivier dalk nie so diep en so groot soos die Vaalrivier nie, was die walle waar hulle moes deurgaan baie steil. Hulle het nie geweet hoe diep die rivier op daardie plek is nie. Verder was dit die tyd toe die Jordaanrivier in vloed was, en sy walle oorstroom het.
Maar die Here kom beveel hulle in Josua 3:13 om ‘n stap van geloof te neem. Die walle van die Jordaan was steil. Daar was nie terugdraai nie. Maar die priesters met die ark moes voor loop, en sodra hulle voetsole aan die water raak, sou die water skei, en hulle sou kon deurgaan. Net so moes die Israeliete weet dat wanneer hulle die stap van geloof sou neem om deur die water te loop, dat die water sou opdam waar hulle loop. Dat die Here sou voorsien. Hulle moes net gereedmaak en gaan.
Want die Here sou die land aan hulle gee... In die Hebreeus staan daar letterlik in vers 3: Elke plek waar julle voetsool op sal trap, dit gee ek aan julle... Ja, liewe vriende, watter wonderlike belofte is dit nie. Daar waar die Israeliete sou gaan, sou die Here met hulle wees, en die land tree vir tree aan hulle gee... Maar die Here gaan verder... Hy sê vir Josua: “Solank jy lewe, sal niemand bestand wees teen jou nie.” Watter wonderlike woorde... Maar sou dit vandag vir ons nog geld?
Liewe vriende, die Here Jesus het ook vir die dissipels gesê dat hulle nog groter wonders as Hy sal doen. Hy het gesê dat hulle krag sal ontvang wanneer die Heilige Gees oor hulle kom, en dat hulle sy getuies sal wees in Jerusalem, Judea, Samaria en tot aan die uiterstes van die aarde. Glo jy dit? Dat wanneer jy die boodskap van die Here bring, niks of niemand teen jou bestand sal wees nie?
Ja, liewe vriende, die Here kom sê nie net aan ons dat ons veilig sal wees in 2010 nie. Hy roep ons op om te gaan... om uit te reik, om grondgebied vir Sy koninkryk in te palm. Is jy ‘n man of ‘n muis? Is jy sy soldaat, of bly sit jy by die huis?
Maar die oorwinningslewe wat God aan Josua voorhou kom saam met ‘n handboek. Saam met ‘n GPS, wat vir hom die pad sou wys. Ja, in vers 7 en 8 kom sê die Here aan hom: “Wees veral sterk en vasberade in die uitvoering van die wet wat my dienaar Moses jou beveel het. Moet daarvan nie links of regs afwyk nie. Dan sal jy voorspoedig wees waar jy ook al gaan. Hierdie Wetboek moet die rigsnoer wees vir alles wat jy sê. Oordink dit dag en nag, en sorg dat jy alles doen wat daarin geskryf staan. Dan sal jy slaag in wat jy moet doen, jy sal voorspoedig wees.
Ja, liewe vriende, ons wens dikwels met heimwee dat ons die geloof van ons voorouers gehad het. Ons wens dikwels dat ons met dieselfde ywer as hulle die Here kon dien, en op Hom vertrou. Maar ons vergeet dikwels dat ons ook soos Josua in die voetspore van Moses moet loop. Dat ons die Here se wet ook moet oordink soos ons voorouers dit gedoen het.
Ons moet onthou dat ons in die eerste plek sterk en vasberade in die uitvoering van die Here se Wet, van sy Woord moet wees. Dat ons daarvan nie moet afwyk nie, maar doen wat dit vir ons vra. Dat dit die rigsnoer sal wees vir alles wat ons doen en sê. Dat ons tyd moet neem om te dink oor wat alles daarin geskryf staan. As ons ‘n voorspoedige pad saam met die Here wil loop, is dit verseker die eerste stap.
Ek wil afsluit. Ek weet nie wie van julle al Indiana Jones en The last Temptation gekyk het nie. Daarin is hy opsoek na die heilige Beker waaruit die Here Jesus self gedrink het met die Laaste Nagmaal. Hy het ‘n Heilige Boek se instruksies gevolg om by die beker uit te kom. Toe hy by ‘n sekere plek voor ‘n afgrond kom, het die Boek gesê dat hy ‘n “sprong van geloof moet gee”.
Hy het gewonder wat dit beteken, en op die ou end maar oor die rand van die afgrond gespring. Toe hy spring, sien hy dat daar ‘n brug oor die afgrond is, wat net soos die rotse aan die onderkant lyk, en kon hy veilig aan die ander kant kom. Ook wanneer ons aan die begin van 2010 staan, word ons opgeroep om die sprong van geloof te neem, en te weet dat die Here vir ons sal sorg en voorsien.
AMEN.
Flam 35 Oorwinningslied
Pinksterlied – Ons is gewone mense Here
Geestelike treffers 28 – Meer en meer soos Jesus
Lied 163 Soos ‘n wildsbok
Lofsang: Lied 281:1-3 Lei ons Here Groot en magtig
Na Wet: Lied 241:1-3 Troue Here van my lewe.
Slotsang: Lied 518 Voel jy soms of die Here te ver is.
Daar is baie dinge in die lewe wat ons eers moet verloor, voordat ons werklik besef het wat ons gehad het. Dit is amper soos om op ‘n wipplank op en af te gaan, en hard te val wanneer die ander persoon skielik van die wipplank afspring. Ek dink dat baie van julle al sulke belewenisse in die lewe gehad het. Miskien is dit die verlies van ‘n ouer, of ‘n broer of suster, of ‘n goeie vriend of vriendin, of ‘n lewensmaat, ‘n man of ‘n vrou. Of dalk het jy al ervaar hoe jou vrou vir ‘n week moet weggaan, en jy alleen na die huis, die kos en die kinders moet kyk.
Wanneer so iets gebeur, dan lyk alles wat so vanselfsprekend was, net nie meer so maklik nie. Dan word alles ewe skielike ingewikkeld. Net die wete dat iemand wat daar was, iemand op wie jy soos ‘n kruk kon leun, ewe skielik weg is, maak die lewe niks makliker nie.
As ‘n mens na Josua se lewe hier op die vooraand van die intog in Kanaän kyk, kan ‘n mens jouself net indink in watter situasie Josua moes gesit het. Hy was self daar in Kanaän saam met Kaleb en die ander 10 spioene. Hy het geweet hoe groot is die mense van die land. Maar hy het ook geweet van God se straf omdat Moses op die rots geslaan het, en nie met die rots gepraat het nie. Hy het geweet dat hy sonder Moses die beloofde land sou moes ingaan. En nou het dit gebeur. Moses is deur die Here weggeneem. Hy moet alleen die beloofde land binnegaan.
Josua het voor die taak gestaan om alleen die volk teen hierdie oormag van reuse te lei. Hy, ‘n klein, eenvoudige mens, is geroep om ‘n volk van oor ‘n miljoen mense deur die Jordaanrivier tot in die land Kanaän in te neem. En selfs die Jordaanrivier was nie ‘n vulletjie nie. Stel jou voor dat jy met ‘n miljoen mense deur die Vaalrivier moet trek! Sonder brûe moes hulle al die mense en diere veilig deur die rivier kry!
Maar die Here het geweet... Hy het Josua se hart gesien. Hy het geweet dat dit nie vir hom maklik moes wees nie. En daarom het hy self aan hom verskyn. Hy het hom kom verseker dat hy nie alleen is nie. Maar God het meer as dit gedoen. Hy het Josua verseker dat hy by hom is, en vooruit sou loop. Josua moes maar net in Sy voetspore volg...
Miskien sit jy ook vanoggend ‘n bietjie verward hier in die kerk... Miskien het jy in die afgelope tyd ook iemand verloor wat vir jou kosbaar was... Miskien het daar ook in die afgelope jaar omstandighede in jou lewe plaasgevind wat jou toekoms drasties raak. Miskien is daar siektetoestande wat jou en jou gesin se lewe drasties gaan beïnvloed. Dalk is daar ‘n nuwe wending in jou lewe, soos om skool-toe of hoërskool toe te gaan, ‘n werksverandering, ‘n verandering in jou boerdery of werksopset... Al hierdie dinge maak ons onseker. Maak dat ons ‘n nuwe jaar amper klaar moeg en gespanne binnegaan...
Maar ek wil jou kom nooi om te luister wat die Here vir Josua sê. Ek wil jou kom nooi om te besef wat dat dieselfde Here wat met Josua kom praat het, ook vanoggend hier in Bospoort met jou wil kom praat. Maar wat kom sê die Here vir Josua?
Hierdie 9 versies in Josua 1 is nie maar net ‘n paar leë woorde nie. Dit is ‘n openbaring van God se hart, en se plan vir Josua, maar ook vir elkeen van ons. Daar in vers 2 kom sê die Here vir Josua: “Moses is dood.” Ja, die Here kom sê eintlik aan hom dat hy besef watter gemis Josua in sy lewe gaan hê na Moses se dood. Dat hy ook besef in watter situasie Josua hom bevind. En daarom sê die Here aan hom baie duidelik in vers 5: “Soos ek by Moses was, so sal ek by jou wees. Ek sal jou nie in die steek laat nie, jou nie verlaat nie.”
Maar dan gaan die Here verder. Hy kom sê as’t ware vir Josua om die stap van geloof te neem. Hy moes nie langer wag nie, maar gereedmaak en voorberei om die Jordaanrivier oor te steek. Die Here beveel hom om deur die Jordaanrivier te gaan, en voort te gaan na die land Kanaän wat Hy aan die volk belowe het. Maar om deur die Jordaan te gaan, was nie speletjies nie. Al was die rivier dalk nie so diep en so groot soos die Vaalrivier nie, was die walle waar hulle moes deurgaan baie steil. Hulle het nie geweet hoe diep die rivier op daardie plek is nie. Verder was dit die tyd toe die Jordaanrivier in vloed was, en sy walle oorstroom het.
Maar die Here kom beveel hulle in Josua 3:13 om ‘n stap van geloof te neem. Die walle van die Jordaan was steil. Daar was nie terugdraai nie. Maar die priesters met die ark moes voor loop, en sodra hulle voetsole aan die water raak, sou die water skei, en hulle sou kon deurgaan. Net so moes die Israeliete weet dat wanneer hulle die stap van geloof sou neem om deur die water te loop, dat die water sou opdam waar hulle loop. Dat die Here sou voorsien. Hulle moes net gereedmaak en gaan.
Want die Here sou die land aan hulle gee... In die Hebreeus staan daar letterlik in vers 3: Elke plek waar julle voetsool op sal trap, dit gee ek aan julle... Ja, liewe vriende, watter wonderlike belofte is dit nie. Daar waar die Israeliete sou gaan, sou die Here met hulle wees, en die land tree vir tree aan hulle gee... Maar die Here gaan verder... Hy sê vir Josua: “Solank jy lewe, sal niemand bestand wees teen jou nie.” Watter wonderlike woorde... Maar sou dit vandag vir ons nog geld?
Liewe vriende, die Here Jesus het ook vir die dissipels gesê dat hulle nog groter wonders as Hy sal doen. Hy het gesê dat hulle krag sal ontvang wanneer die Heilige Gees oor hulle kom, en dat hulle sy getuies sal wees in Jerusalem, Judea, Samaria en tot aan die uiterstes van die aarde. Glo jy dit? Dat wanneer jy die boodskap van die Here bring, niks of niemand teen jou bestand sal wees nie?
Ja, liewe vriende, die Here kom sê nie net aan ons dat ons veilig sal wees in 2010 nie. Hy roep ons op om te gaan... om uit te reik, om grondgebied vir Sy koninkryk in te palm. Is jy ‘n man of ‘n muis? Is jy sy soldaat, of bly sit jy by die huis?
Maar die oorwinningslewe wat God aan Josua voorhou kom saam met ‘n handboek. Saam met ‘n GPS, wat vir hom die pad sou wys. Ja, in vers 7 en 8 kom sê die Here aan hom: “Wees veral sterk en vasberade in die uitvoering van die wet wat my dienaar Moses jou beveel het. Moet daarvan nie links of regs afwyk nie. Dan sal jy voorspoedig wees waar jy ook al gaan. Hierdie Wetboek moet die rigsnoer wees vir alles wat jy sê. Oordink dit dag en nag, en sorg dat jy alles doen wat daarin geskryf staan. Dan sal jy slaag in wat jy moet doen, jy sal voorspoedig wees.
Ja, liewe vriende, ons wens dikwels met heimwee dat ons die geloof van ons voorouers gehad het. Ons wens dikwels dat ons met dieselfde ywer as hulle die Here kon dien, en op Hom vertrou. Maar ons vergeet dikwels dat ons ook soos Josua in die voetspore van Moses moet loop. Dat ons die Here se wet ook moet oordink soos ons voorouers dit gedoen het.
Ons moet onthou dat ons in die eerste plek sterk en vasberade in die uitvoering van die Here se Wet, van sy Woord moet wees. Dat ons daarvan nie moet afwyk nie, maar doen wat dit vir ons vra. Dat dit die rigsnoer sal wees vir alles wat ons doen en sê. Dat ons tyd moet neem om te dink oor wat alles daarin geskryf staan. As ons ‘n voorspoedige pad saam met die Here wil loop, is dit verseker die eerste stap.
Ek wil afsluit. Ek weet nie wie van julle al Indiana Jones en The last Temptation gekyk het nie. Daarin is hy opsoek na die heilige Beker waaruit die Here Jesus self gedrink het met die Laaste Nagmaal. Hy het ‘n Heilige Boek se instruksies gevolg om by die beker uit te kom. Toe hy by ‘n sekere plek voor ‘n afgrond kom, het die Boek gesê dat hy ‘n “sprong van geloof moet gee”.
Hy het gewonder wat dit beteken, en op die ou end maar oor die rand van die afgrond gespring. Toe hy spring, sien hy dat daar ‘n brug oor die afgrond is, wat net soos die rotse aan die onderkant lyk, en kon hy veilig aan die ander kant kom. Ook wanneer ons aan die begin van 2010 staan, word ons opgeroep om die sprong van geloof te neem, en te weet dat die Here vir ons sal sorg en voorsien.
AMEN.
Jes. 52: Gryp die toekoms!
Jesaja 52 – Preek gelewer tydens middernagdiens op 31 Desember 2009.
Voorsang:
Flam 1 Die Hemel juig
Lied 516(2*) Al sou dan ook, die vyeboom nie bot nie.
Lied 528:1-3 Leer my U wil, Heer
Flam 39 Ek wil kom stil word
Lofsang: Lied 163 Soos ‘n wildsbok
Slotsang: Gebed van Koos
As ek na die mens van vandag kyk, dan is daar een beeld wat by my opkom... Dit is die beeld van slawe en gevangenes... As ‘n mens mense van vandag in die oë kyk, is hulle oë dikwels leeg, sonder hoop. Sonder durf waagmoed. Sonder vonkel. Sommer maar net leeg.
Daar is baie dinge in die lewe wat ‘n mens kan gevange hou, kan verslaaf. ‘n Vriend van my het dikwels gepraat van sy winkel as ‘n tronk met oop deure. Vir hom was die besigheid en die bekommernis oor sy winkel nie iets wat hom finansiële vryheid gegee het nie, maar ‘n tronk wat hom gevange gehou het.
So dikwels in die lewe moet mense dikwels uitvind dat dit wat hulle as die paradys gesien het, niks meer as ‘n tronk was nie. Daar word die grappie vertel van die outjie wat op die wolkie oppad hemel toe was, toe hy die ouens op die wolkie langsaan sien, besig met ‘n wilde partytjie. Hulle het hom genooi om by hulle aan te sluit, en dit het vir hom so lekker gelyk dat hy besluit het om oor te spring na die ander wolkie.
Maar o wee! Toe hy spring, val hy dwarsdeur die wolkie tot binne-in die duiwel se pot vuur. Met krete van pyn vra die outjie toe aan die duiwel: “Maar duiwel, wat het geword van die lekker partytjie?” O, die partytjie. Dit is net die bemarkingsafdeling, het die duiwel geantwoord.
Maar weet julle, liewe vriende, daar kan net so baie dinge wees wat jou vandag gevange hou. Dinge wat van jou ‘n slaaf gemaak het, sodat jy ook dalk teen die einde van 2009 met verlepte oë hier in die kerkbanke sit.
Ja, dit kan dalk jou finansiële situasie wees. Jy kan ervaar dat jy in ‘n put is waaruit jy nooit gaan kom nie. Of jy jou nooit uit jou skuld sal kan werk nie, en of jy nie weet waar môre se brood vandaan gaan kom nie. Dit kan dalk jou huwelik wees. Vir baie mense is die huwelik niks meer as ‘n tronk waar ‘n mens gevange gehou word deur iemand wat jou nie toelaat om jouself te wees nie.
Jou tronk kan dalk die vorm van een of ander verslawing in die lewe aanneem. Iets van sy mag oor jou gekry het, waarvan jy op geen manier kan ontsnap nie. Jou tronk kan dalk selfs jou ouerhuis wees, waar jy voel dat jy totaal vasgebind is, of dit kan jou kinders wees. Jou kinders wat maak dat jy nie kan gaan waar jy wil nie, en na hulle pype moet dans.
En so kan ons aangaan... As ons die taal van die Bybel lees, dan is dit nie die taal van die Postmodernisme, waarin daar nie meer hoop vir die dag van môre is nie. Die Bybel is ‘n boek van hoop, ‘n boek waarin ons mense met vonkelende oë, wagtend op die dag van môre sien. Mense wat deur die tralies van elke dag se wanhoop kyk met hoop op die koms van die Messias, met hoop vir die dag van môre.
Wanneer die gordyn van die toneel in die tyd van Jesaja oopgaan, sien ons ‘n klomp moedelose gevangenes in die ballingskap lê. Hulle het maar gewoond geraak aan die slawe-arbeid van elke dag, en het so min moontlik gedoen. Hulle oë was leeg, sonder belofte, sonder hoop.
Maar wag, om die hoek kom ‘n profeet, met die naam Jesaja. Jesaja loop tussen hulle deur en roep: ”Word wakker, Word wakker, staan op uit die stof! Trek vir julle nuwe klere aan, maak gereed vir die fees! Watter fees? Sou die ballinge verward vra... Die fees van die Here natuurlik, het Jesaja geantwoord. Die Here is oppad! Hy kom sê vir julle – Kyk, julle het nie meer boeie aan nie! Julle is losgekoop! Die Here kom sê: “Ek is nie ver nie. Binne een van die dae sal ek by julle wees en sê: Hier is ek! Ja, daar is genoeg rede om fees te vier – God het onder ons kom woon.”
Maar wag dis nie net Jesaja wat opgewonde is nie... Luister... daar is haastige, opgewonde voetstappe... Ja, dit is hulle wat vrede aankondig. Dit is hulle wat vertel van die verlossing! Die wagte roep hard – hulle sing van vreugde. Hulle roep uit - Jou God regeer! God is in beheer! Nie die Farao van Egipte nie, nie die koning van Assirië nie, God regeer! God is in beheer.
Ja kyk! Die Here kom terug na Sion toe. Selfs die puinhope sing vir Hom... Want hy het sy volk getroos. Sy mag sal tot aan die eindes van die aarde bekend word! Selfs uit Babel sal mense opstaan en terugkom Jerusalem toe, hulle sal God se tempelgereedskap terugbring na Sy tempel toe. Die Here trek nie net voor hulle uit om hulle te beskerm nie, maar Hy kom ook agter hulle aan...
Liewe vriende, vanaand is vir baie mense ‘n donker aand... Baie van julle het seker gehoor dat dit die tyd van die Blue Moon is, omdat die maan nie net twee keer in ‘n maand vol is nie, maar omdat daar nog ‘n maansverduistering ook is. Baie sê dat dit niks goeds vir vanaand en vir 2010 voorspel nie...
Maar vir hulle wat in die Here glo, bring Jesaja vanaand weer die ou, ou tyding op ‘n nuwe en vars manier. Ja ons word ook ten opsigte van 2010 verseker... Die Here is hier. Hy is God met ons! Hy gaan nie net voor ons uit nie, maar beskerm ons van agter. Soos Jesus 2000 jaar terug op aarde gebore is, so kom verseker die Here ons dat Hy weer kom. Dat ons moet opstaan en reg wees vir Sy koms. Dat ons die stof moet afskud, en ons feesklere aantrek, omdat hy enige dag kan kom.
Maar wat is hierdie feesklere? Daar in Openbaring 19:8 word dit duidelik aan ons gesê: Hierdie feesklere is die regverdige dade van die gelowiges. Maar liewe vriend, hoe lyk dit vanaand op Oujaarsaand 31 Desember 2009 in jou lewe? Is jy wakker, of slaap jy? Is jy aangetrek, of sal jy later begin om die Here te dien? Is jy in boeie, of is jy losgekoop deur die bloed van die Lam?
Vriende, daar is nie baie tyd nie. Die voetstappe van hulle wat die goeie nuus bring is hier. God is met ons! Hy kom ons troos. Hy kom ons verlos. Hy is koning, Hy regeer! Hy trek voor ons die jaar 2010 in, maar hy dek ook die agterhoede. Hy kom ook agter ons aan.
Jy het die keuse! Jy kan in jou bondeltjie bly sit. Jy kan maar weer sien hoe die jaar met al sy goeie voornemens by jou verbyvlieg. Of jy kan opstaan, saamkom, en sien dat die Here goed is Ps. 34:8. Kom ondervind en sien self dat die Here goed is! Dit gaan goed met die mens wat by Hom skuil.
Ek kom sluit af. Die meeste van julle, veral die van julle ouer as 50, ken seker die gewilde lied van Credence Clearwater Revival, wat gesing het... I see a bad moon rising, I see trouble on it’s way... En dan het die lied verder gelui: Well don’t go out tonight , it’s bound to take your life, there’s a bad moon on the rise.
Ek weet nie hoekom hierdie lied destyds so gewild was nie, maar in ‘n sekere sin is dit die deuntjie wat so baie mense vandag sing. Moenie plant nie, dis nie die moeite werd nie. Moenie trou en kinders hê nie, want jy sal dit nie kan bekostig nie, moenie besigheid probeer doen nie, jy gaan in elk geval besteel word.
Liewe vriende, ek glo die Here kom praat weer met ons vanaand. Hy kom sê vir ons in die woorde van Jeremia 29: Bou huise en woon daarin! Trou en bring kinders in die wêreld... Hoekom? Want ek beplan vir julle voorspoed, nie teenspoed nie, sê die Here.
Kom ons gaan hierdie jaar positief, met ‘n vonkel in die oog binne. Kom ons besef weereens dat die Here Jesus ons verlos het. Dat ons nie soos slawe en gevangenes hoef te lewe nie. Dat Hy hier met ons is, en onder ons kom woon het. Dat Hy regeer aan die regterhand van God, en dat Hy voor ons uitgaan, en agter ons aankom.
AMEN!
Voorsang:
Flam 1 Die Hemel juig
Lied 516(2*) Al sou dan ook, die vyeboom nie bot nie.
Lied 528:1-3 Leer my U wil, Heer
Flam 39 Ek wil kom stil word
Lofsang: Lied 163 Soos ‘n wildsbok
Slotsang: Gebed van Koos
As ek na die mens van vandag kyk, dan is daar een beeld wat by my opkom... Dit is die beeld van slawe en gevangenes... As ‘n mens mense van vandag in die oë kyk, is hulle oë dikwels leeg, sonder hoop. Sonder durf waagmoed. Sonder vonkel. Sommer maar net leeg.
Daar is baie dinge in die lewe wat ‘n mens kan gevange hou, kan verslaaf. ‘n Vriend van my het dikwels gepraat van sy winkel as ‘n tronk met oop deure. Vir hom was die besigheid en die bekommernis oor sy winkel nie iets wat hom finansiële vryheid gegee het nie, maar ‘n tronk wat hom gevange gehou het.
So dikwels in die lewe moet mense dikwels uitvind dat dit wat hulle as die paradys gesien het, niks meer as ‘n tronk was nie. Daar word die grappie vertel van die outjie wat op die wolkie oppad hemel toe was, toe hy die ouens op die wolkie langsaan sien, besig met ‘n wilde partytjie. Hulle het hom genooi om by hulle aan te sluit, en dit het vir hom so lekker gelyk dat hy besluit het om oor te spring na die ander wolkie.
Maar o wee! Toe hy spring, val hy dwarsdeur die wolkie tot binne-in die duiwel se pot vuur. Met krete van pyn vra die outjie toe aan die duiwel: “Maar duiwel, wat het geword van die lekker partytjie?” O, die partytjie. Dit is net die bemarkingsafdeling, het die duiwel geantwoord.
Maar weet julle, liewe vriende, daar kan net so baie dinge wees wat jou vandag gevange hou. Dinge wat van jou ‘n slaaf gemaak het, sodat jy ook dalk teen die einde van 2009 met verlepte oë hier in die kerkbanke sit.
Ja, dit kan dalk jou finansiële situasie wees. Jy kan ervaar dat jy in ‘n put is waaruit jy nooit gaan kom nie. Of jy jou nooit uit jou skuld sal kan werk nie, en of jy nie weet waar môre se brood vandaan gaan kom nie. Dit kan dalk jou huwelik wees. Vir baie mense is die huwelik niks meer as ‘n tronk waar ‘n mens gevange gehou word deur iemand wat jou nie toelaat om jouself te wees nie.
Jou tronk kan dalk die vorm van een of ander verslawing in die lewe aanneem. Iets van sy mag oor jou gekry het, waarvan jy op geen manier kan ontsnap nie. Jou tronk kan dalk selfs jou ouerhuis wees, waar jy voel dat jy totaal vasgebind is, of dit kan jou kinders wees. Jou kinders wat maak dat jy nie kan gaan waar jy wil nie, en na hulle pype moet dans.
En so kan ons aangaan... As ons die taal van die Bybel lees, dan is dit nie die taal van die Postmodernisme, waarin daar nie meer hoop vir die dag van môre is nie. Die Bybel is ‘n boek van hoop, ‘n boek waarin ons mense met vonkelende oë, wagtend op die dag van môre sien. Mense wat deur die tralies van elke dag se wanhoop kyk met hoop op die koms van die Messias, met hoop vir die dag van môre.
Wanneer die gordyn van die toneel in die tyd van Jesaja oopgaan, sien ons ‘n klomp moedelose gevangenes in die ballingskap lê. Hulle het maar gewoond geraak aan die slawe-arbeid van elke dag, en het so min moontlik gedoen. Hulle oë was leeg, sonder belofte, sonder hoop.
Maar wag, om die hoek kom ‘n profeet, met die naam Jesaja. Jesaja loop tussen hulle deur en roep: ”Word wakker, Word wakker, staan op uit die stof! Trek vir julle nuwe klere aan, maak gereed vir die fees! Watter fees? Sou die ballinge verward vra... Die fees van die Here natuurlik, het Jesaja geantwoord. Die Here is oppad! Hy kom sê vir julle – Kyk, julle het nie meer boeie aan nie! Julle is losgekoop! Die Here kom sê: “Ek is nie ver nie. Binne een van die dae sal ek by julle wees en sê: Hier is ek! Ja, daar is genoeg rede om fees te vier – God het onder ons kom woon.”
Maar wag dis nie net Jesaja wat opgewonde is nie... Luister... daar is haastige, opgewonde voetstappe... Ja, dit is hulle wat vrede aankondig. Dit is hulle wat vertel van die verlossing! Die wagte roep hard – hulle sing van vreugde. Hulle roep uit - Jou God regeer! God is in beheer! Nie die Farao van Egipte nie, nie die koning van Assirië nie, God regeer! God is in beheer.
Ja kyk! Die Here kom terug na Sion toe. Selfs die puinhope sing vir Hom... Want hy het sy volk getroos. Sy mag sal tot aan die eindes van die aarde bekend word! Selfs uit Babel sal mense opstaan en terugkom Jerusalem toe, hulle sal God se tempelgereedskap terugbring na Sy tempel toe. Die Here trek nie net voor hulle uit om hulle te beskerm nie, maar Hy kom ook agter hulle aan...
Liewe vriende, vanaand is vir baie mense ‘n donker aand... Baie van julle het seker gehoor dat dit die tyd van die Blue Moon is, omdat die maan nie net twee keer in ‘n maand vol is nie, maar omdat daar nog ‘n maansverduistering ook is. Baie sê dat dit niks goeds vir vanaand en vir 2010 voorspel nie...
Maar vir hulle wat in die Here glo, bring Jesaja vanaand weer die ou, ou tyding op ‘n nuwe en vars manier. Ja ons word ook ten opsigte van 2010 verseker... Die Here is hier. Hy is God met ons! Hy gaan nie net voor ons uit nie, maar beskerm ons van agter. Soos Jesus 2000 jaar terug op aarde gebore is, so kom verseker die Here ons dat Hy weer kom. Dat ons moet opstaan en reg wees vir Sy koms. Dat ons die stof moet afskud, en ons feesklere aantrek, omdat hy enige dag kan kom.
Maar wat is hierdie feesklere? Daar in Openbaring 19:8 word dit duidelik aan ons gesê: Hierdie feesklere is die regverdige dade van die gelowiges. Maar liewe vriend, hoe lyk dit vanaand op Oujaarsaand 31 Desember 2009 in jou lewe? Is jy wakker, of slaap jy? Is jy aangetrek, of sal jy later begin om die Here te dien? Is jy in boeie, of is jy losgekoop deur die bloed van die Lam?
Vriende, daar is nie baie tyd nie. Die voetstappe van hulle wat die goeie nuus bring is hier. God is met ons! Hy kom ons troos. Hy kom ons verlos. Hy is koning, Hy regeer! Hy trek voor ons die jaar 2010 in, maar hy dek ook die agterhoede. Hy kom ook agter ons aan.
Jy het die keuse! Jy kan in jou bondeltjie bly sit. Jy kan maar weer sien hoe die jaar met al sy goeie voornemens by jou verbyvlieg. Of jy kan opstaan, saamkom, en sien dat die Here goed is Ps. 34:8. Kom ondervind en sien self dat die Here goed is! Dit gaan goed met die mens wat by Hom skuil.
Ek kom sluit af. Die meeste van julle, veral die van julle ouer as 50, ken seker die gewilde lied van Credence Clearwater Revival, wat gesing het... I see a bad moon rising, I see trouble on it’s way... En dan het die lied verder gelui: Well don’t go out tonight , it’s bound to take your life, there’s a bad moon on the rise.
Ek weet nie hoekom hierdie lied destyds so gewild was nie, maar in ‘n sekere sin is dit die deuntjie wat so baie mense vandag sing. Moenie plant nie, dis nie die moeite werd nie. Moenie trou en kinders hê nie, want jy sal dit nie kan bekostig nie, moenie besigheid probeer doen nie, jy gaan in elk geval besteel word.
Liewe vriende, ek glo die Here kom praat weer met ons vanaand. Hy kom sê vir ons in die woorde van Jeremia 29: Bou huise en woon daarin! Trou en bring kinders in die wêreld... Hoekom? Want ek beplan vir julle voorspoed, nie teenspoed nie, sê die Here.
Kom ons gaan hierdie jaar positief, met ‘n vonkel in die oog binne. Kom ons besef weereens dat die Here Jesus ons verlos het. Dat ons nie soos slawe en gevangenes hoef te lewe nie. Dat Hy hier met ons is, en onder ons kom woon het. Dat Hy regeer aan die regterhand van God, en dat Hy voor ons uitgaan, en agter ons aankom.
AMEN!
Wag op God! Psalm 85
Die digter van Psalm 85 onthou God se goedheid, vergifnis en beloftes van uitkoms. En soos ’n telefoon lui Advent tyd gebeure om ons te herinner: Luister, dink aan wat God vir jou gedoen het! Reageer daarop, laat dit jou geheue aktiveer, dan kry jy weer nuwe, egte hoop vir die toekoms. Dan ontvang jy God se shalom.
1. Ingenooi deur God - Ons raak bewus van ons diepste behoeftes, vrae en vrese en gee ons oor aan God
’n Aantal jare gelede het iemand die stad Washington DC, besoek. Hy was oppad na ’n museum, maar Washington se uitleg het hom verward gehad. Seker dat hy oppad was na die museum, het hy vinnig en dapper in die verkeerde rigting beweeg!Hy het bewus geraak van ’n baie kort swart man wat langs hom geloop en praat het. Maar die verkeer se geraas was oorverdowend en hy kon niks hoor wat die man probeer sê het nie! Hy het ook besluit dat dit waarskynlik iets was wat hy in elk geval nie wou hoor nie en het net vinniger gestap.Hy het by ’n besige oorgang gekom en moes toe noodgedwonge stop.
Op daardie oomblik het die swart man voor hom gaan staan en sy hand op sy arm geplaas. Hy moes nou luister na dié man terwyl hy sy beursie probeer beskerm. Hy het geïrriteerd na die man afgebuk en toe gehoor wat die man vir hom probeer sê het:“Young man, I don't know where you are going, but I can assure you that this is the wrong way. You are headed into the wrong part of Washington and putting your life at risk. Turn around now and go back to where you came from.” Al wat die persoon wat verdwaal het toe opgemerk het, was dit: “I had ignored him, but suddenly he was precious to me. It appeared that I could not live without him.
Ja, liewe vriende, in ‘n sekere sin kom sê Psalm 85 aan ons dat God ons kan help om weer op die regte spoor te kom as ons afgedwaal het (vs 9). Dit is wat Jesus kom doen het.
Een van die kosbaarste dinge wanneer mens in ‘n vreemde wêreld kom, is ‘n padpredikant. Dit is daardie roete-aanwysers wat aan ‘n mens wys waarnatoe jy oppad is, en hoe ver dit nog is. Al het ons vandag nog die voordeel van ‘n GPS, is ons dikwels nog baie afhanklik van straatname, en veral wanneer die name verander het, is ons baie onseker oor die pad wat ons moet ry.
Ek onthou nog hoe ek ‘n hele ruk terug, lank voor die tyd van GPS’se iewens van Bloemfontein af Botswana se kant toe moes ry. Toe ek in Wolmaransstad kom, het ek die afdraaipad Ottosdal toe gemis. Toe ek die eerste bordjie kry wat vir my sê dat Sweizer Reneke nog 40km ver is, het ek dadelik geweet… Ek moet nou terugdraai. Ek is op die verkeerde pad. Dit sou nie help om vorentoe te ry en weer ‘n afdraai Ottosdal toe te neem nie. As ek nie sou omdraai nie, sou ek ‘n te groot ompad ry, en ek sou laat wees vir die grens.
Maar weet julle, liewe vriende, in ons lewens van vandag is dit dikwels dieselfde. Iewers op die pad maak ons dikwels ‘n verkeerde keuse. Of dit nou ‘n handelstransaksie, of ‘n vriendskap is wat ons begin of weggooi, of dit nou die toegee aan ‘n versoeking is, of selfs net die keuse om iets in ‘n oomblik van woede te sê, of die keuse om ‘n weldaad van iemand anders te weerhou toe ons dit kon gegee het. Ons almal maak keuses. En hierdie keuse is nie altyd reg nie. Die vraag is net: “Hoe lank gaan ons met so ‘n keuse aan, voordat ons besef dat ons moet omdraai?
Liewe vriende, hier in die kerstyd, hier teen die einde van die jaar 2009, glo ek dat Ps. 85 ook vir ons niks anders as ‘n padpredikant, of soos die Engelse sal sê, ‘n “wake-up call” is nie. Ek glo dat die Here ons elkeen vanoggend net ‘n bietjie tot stilstand wil bring, en aan ons wil vra: “Is jy op die regte pad?”
Elkeen van julle wat jonk was, weet dat julle ouers julle dikwels versoek het, en dit is nou nog so, dat julle hulle moet bel of SMS as julle iewers heen gery het, en veilig aangekom het. Partykeer vergeet ‘n mens maklik, en moet die telefoon ‘n slag van pa-hulle se kant af lui, voordat ons dit dooddruk en die SMS aan hulle stuur.
Ja, al het Jesus 2000 jaar terug met Kersfees gekom omdat God in die mense ‘n welbehae gehad het, en vrede op aarde wou bring, het ons van die ware impak van Kersfees vergeet… Al het Jesus se koms na die aarde ‘n bekering, ‘n omdraai in soveel mense se lewens gemaak, het die mens van 2009 nog steeds, en dalk soveel meer, ware omkeer, ware bekering nodig…
Ja, liewe vriende, hier aan die einde van ‘n besige jaar ervaar jy dalk in jou lewe die frustrasie van die tempelsangers, van die Joodse gemeente se musiekgroep. Dalk kan jy vanoggend saam met hulle sing… Here, U was goed vir die land. U het vir ons voorgeslagte gesorg. Wil U nie ook in die tye waarin ons leef, vir ons ‘n nuwe toekoms gee nie? Wil U nie weer in Kersfees 2009 ook in ons lewe ‘n nuwe begin maak nie? Ps. 85:6 Wil U nie weer die lewe vir ons nuut maak sodat u volk hulle vreugde in U kan vind nie?
Dalk het jou liefde vir die Here stadig binne-in jou verflou. Dalk wil jy vanoggend ook tot die Here uitroep – Here help my om U liefde te beleef, om werklik u teenwoordigheid en vrede in my lewe aan te voel en dit te ervaar! Ps. 85:7 Laat ons u troue liefde belewe, skenk ons u reddende hulp, Here.
Maar om werklik die Here se liefde in ons lewe te ervaar, om werklik weer sy vreugde in ons lewe te kan voel opbruis, beteken dat ons ook stil moet gaan staan. Ons moet nie net soos ‘n hardloper by ‘n waterpunt verbystorm, die watersakkie gryp en ons eie koers kies nie… Nee, ons moet gaan stil staan, deeglik inventaris van ons lewe neem, en vra waarheen ons oppad is. Ons moet waarlik die Here se leiding en rigting vir ons lewe van Hom afsmeek.
Saam met Psalm 85 moet ons ook saam met die Jerusalemse musiekgroep vanoggend vir die Here kan sê: “Ek wil luister na wat God die Here sê, want sy woord bring vrede vir sy volk, vir dié wat Hom getrou dien”. Is dit waarlik jou behoefte? Dan nooi ek jou uit om werklik hierdie Kersfees ‘n tyd van besinning in jou lewe te maak. Dat nooi ek jou uit dat ons as gemeente werklik in hierdie Kerstyd, voor Nuwe Jaar sal gaan stil word, en vir die Here vra dat Hy vir ons die prentjie van Bospoort duidelik in ons gedagtes teken.
Nie noodwendig ‘n prentjie van ons finansies of ons kerkbywoning nie, nie noodwendig ‘n prentjie van die vlermuise wat om die kerktoring vlieg soos wat ons by die Satanisme praatjie gehoor het nie. Maar ‘n prentjie van hoe ons gemeente werklik in sy oë lyk. ‘n Prentjie van die dinge in Bospoort gemeenskap, in Suid-Afrika, in Afrika en in die wêreld wat Hom onstel, en waaraan ons moet aandag gee.
Ja liewe vriende, daar in Jesaja 30 vers 15 sê die Here aan die volk: As julle julle bekeer en tot rus kom, sal julle gered word. Julle krag lê in stil wees en vertroue hê. Ook op ‘n oggend soos vanoggend beteken omkeer om te luister. Beteken bekering om oplettend te wees vir die padpredikante in ons lewe. Die rigtingwysers wat aan ons wys waar ons te ver gegaan het.
Want die Here wil ook vir ons ‘n prentjie gee van wat Bospoort werklik kan wees. Ja, deur die koms van die Verlosser, van die Vredekind, het Hy aan die wêreld kom wys dat Hy waarlik omgee. En so wil Hy vanoggend ook vir ons ‘n prentjie teken van ‘n wêreld waar liefde en trou mekaar ontmoet, waar geregtigheid en vrede mekaar sal omhels, en waar die Here vir ons ‘n geestelike en materiële oes skenk.
Miskien verstaan jy nie vanoggend hoe dit nou is dat liefde en trou mekaar nie in elk geval ontmoet nie, en dat geregtighieid en vrede mekaar nie in elk geval omhels nie… Ek sien dit in linker en regterbrein terme. Hulle sê dat mense wat linkerbrein georienteerd is, baie sin het vir getrouheid, en geregtigheid. Hulle sê aan die ander kant dat regterbrein mense meer liefdevol is, en dat hulle dikwels eerder ‘n rusie sal vermy om vrede te kan handhaaf.
Toe die Here Jesus aarde toe gekom het, het Hy vir ons kom wys dat ons nie noodwendig die een ten koste van die ander hoef te beoefen nie. Nee, Hy het vir ons kom wys hoe ‘n mens liefdevol en getrou kan wees, getrou tot die dood. Hy het vir ons kom wys hoe ‘n mens vrede kan bring, sonder dat ‘n mens die geregtigheid moet laat vaar.
Ja, liewe vriende, mag Kersfees 2009 vir jou ‘n tyd wees waarin jy waarlik God se “wake-up” call beleef, waarin jy werklik ook liefde en getrouheid in jou lewe laat ontmoet, waarin jy werklik ook in jou lewe, en in jou werksomstandigheide bymekaar uitbring.
Ja, liewe vriende, die Here wil ook hier in Bospoort sy geregtigheid laar floreer, en toesien hoe Bospoort gemeente besig is om die pad voor te berei vir die koms van die kind op die krip, maar ook vir die koms van die koning op die wolke.
AMEN.
1. Ingenooi deur God - Ons raak bewus van ons diepste behoeftes, vrae en vrese en gee ons oor aan God
’n Aantal jare gelede het iemand die stad Washington DC, besoek. Hy was oppad na ’n museum, maar Washington se uitleg het hom verward gehad. Seker dat hy oppad was na die museum, het hy vinnig en dapper in die verkeerde rigting beweeg!Hy het bewus geraak van ’n baie kort swart man wat langs hom geloop en praat het. Maar die verkeer se geraas was oorverdowend en hy kon niks hoor wat die man probeer sê het nie! Hy het ook besluit dat dit waarskynlik iets was wat hy in elk geval nie wou hoor nie en het net vinniger gestap.Hy het by ’n besige oorgang gekom en moes toe noodgedwonge stop.
Op daardie oomblik het die swart man voor hom gaan staan en sy hand op sy arm geplaas. Hy moes nou luister na dié man terwyl hy sy beursie probeer beskerm. Hy het geïrriteerd na die man afgebuk en toe gehoor wat die man vir hom probeer sê het:“Young man, I don't know where you are going, but I can assure you that this is the wrong way. You are headed into the wrong part of Washington and putting your life at risk. Turn around now and go back to where you came from.” Al wat die persoon wat verdwaal het toe opgemerk het, was dit: “I had ignored him, but suddenly he was precious to me. It appeared that I could not live without him.
Ja, liewe vriende, in ‘n sekere sin kom sê Psalm 85 aan ons dat God ons kan help om weer op die regte spoor te kom as ons afgedwaal het (vs 9). Dit is wat Jesus kom doen het.
Een van die kosbaarste dinge wanneer mens in ‘n vreemde wêreld kom, is ‘n padpredikant. Dit is daardie roete-aanwysers wat aan ‘n mens wys waarnatoe jy oppad is, en hoe ver dit nog is. Al het ons vandag nog die voordeel van ‘n GPS, is ons dikwels nog baie afhanklik van straatname, en veral wanneer die name verander het, is ons baie onseker oor die pad wat ons moet ry.
Ek onthou nog hoe ek ‘n hele ruk terug, lank voor die tyd van GPS’se iewens van Bloemfontein af Botswana se kant toe moes ry. Toe ek in Wolmaransstad kom, het ek die afdraaipad Ottosdal toe gemis. Toe ek die eerste bordjie kry wat vir my sê dat Sweizer Reneke nog 40km ver is, het ek dadelik geweet… Ek moet nou terugdraai. Ek is op die verkeerde pad. Dit sou nie help om vorentoe te ry en weer ‘n afdraai Ottosdal toe te neem nie. As ek nie sou omdraai nie, sou ek ‘n te groot ompad ry, en ek sou laat wees vir die grens.
Maar weet julle, liewe vriende, in ons lewens van vandag is dit dikwels dieselfde. Iewers op die pad maak ons dikwels ‘n verkeerde keuse. Of dit nou ‘n handelstransaksie, of ‘n vriendskap is wat ons begin of weggooi, of dit nou die toegee aan ‘n versoeking is, of selfs net die keuse om iets in ‘n oomblik van woede te sê, of die keuse om ‘n weldaad van iemand anders te weerhou toe ons dit kon gegee het. Ons almal maak keuses. En hierdie keuse is nie altyd reg nie. Die vraag is net: “Hoe lank gaan ons met so ‘n keuse aan, voordat ons besef dat ons moet omdraai?
Liewe vriende, hier in die kerstyd, hier teen die einde van die jaar 2009, glo ek dat Ps. 85 ook vir ons niks anders as ‘n padpredikant, of soos die Engelse sal sê, ‘n “wake-up call” is nie. Ek glo dat die Here ons elkeen vanoggend net ‘n bietjie tot stilstand wil bring, en aan ons wil vra: “Is jy op die regte pad?”
Elkeen van julle wat jonk was, weet dat julle ouers julle dikwels versoek het, en dit is nou nog so, dat julle hulle moet bel of SMS as julle iewers heen gery het, en veilig aangekom het. Partykeer vergeet ‘n mens maklik, en moet die telefoon ‘n slag van pa-hulle se kant af lui, voordat ons dit dooddruk en die SMS aan hulle stuur.
Ja, al het Jesus 2000 jaar terug met Kersfees gekom omdat God in die mense ‘n welbehae gehad het, en vrede op aarde wou bring, het ons van die ware impak van Kersfees vergeet… Al het Jesus se koms na die aarde ‘n bekering, ‘n omdraai in soveel mense se lewens gemaak, het die mens van 2009 nog steeds, en dalk soveel meer, ware omkeer, ware bekering nodig…
Ja, liewe vriende, hier aan die einde van ‘n besige jaar ervaar jy dalk in jou lewe die frustrasie van die tempelsangers, van die Joodse gemeente se musiekgroep. Dalk kan jy vanoggend saam met hulle sing… Here, U was goed vir die land. U het vir ons voorgeslagte gesorg. Wil U nie ook in die tye waarin ons leef, vir ons ‘n nuwe toekoms gee nie? Wil U nie weer in Kersfees 2009 ook in ons lewe ‘n nuwe begin maak nie? Ps. 85:6 Wil U nie weer die lewe vir ons nuut maak sodat u volk hulle vreugde in U kan vind nie?
Dalk het jou liefde vir die Here stadig binne-in jou verflou. Dalk wil jy vanoggend ook tot die Here uitroep – Here help my om U liefde te beleef, om werklik u teenwoordigheid en vrede in my lewe aan te voel en dit te ervaar! Ps. 85:7 Laat ons u troue liefde belewe, skenk ons u reddende hulp, Here.
Maar om werklik die Here se liefde in ons lewe te ervaar, om werklik weer sy vreugde in ons lewe te kan voel opbruis, beteken dat ons ook stil moet gaan staan. Ons moet nie net soos ‘n hardloper by ‘n waterpunt verbystorm, die watersakkie gryp en ons eie koers kies nie… Nee, ons moet gaan stil staan, deeglik inventaris van ons lewe neem, en vra waarheen ons oppad is. Ons moet waarlik die Here se leiding en rigting vir ons lewe van Hom afsmeek.
Saam met Psalm 85 moet ons ook saam met die Jerusalemse musiekgroep vanoggend vir die Here kan sê: “Ek wil luister na wat God die Here sê, want sy woord bring vrede vir sy volk, vir dié wat Hom getrou dien”. Is dit waarlik jou behoefte? Dan nooi ek jou uit om werklik hierdie Kersfees ‘n tyd van besinning in jou lewe te maak. Dat nooi ek jou uit dat ons as gemeente werklik in hierdie Kerstyd, voor Nuwe Jaar sal gaan stil word, en vir die Here vra dat Hy vir ons die prentjie van Bospoort duidelik in ons gedagtes teken.
Nie noodwendig ‘n prentjie van ons finansies of ons kerkbywoning nie, nie noodwendig ‘n prentjie van die vlermuise wat om die kerktoring vlieg soos wat ons by die Satanisme praatjie gehoor het nie. Maar ‘n prentjie van hoe ons gemeente werklik in sy oë lyk. ‘n Prentjie van die dinge in Bospoort gemeenskap, in Suid-Afrika, in Afrika en in die wêreld wat Hom onstel, en waaraan ons moet aandag gee.
Ja liewe vriende, daar in Jesaja 30 vers 15 sê die Here aan die volk: As julle julle bekeer en tot rus kom, sal julle gered word. Julle krag lê in stil wees en vertroue hê. Ook op ‘n oggend soos vanoggend beteken omkeer om te luister. Beteken bekering om oplettend te wees vir die padpredikante in ons lewe. Die rigtingwysers wat aan ons wys waar ons te ver gegaan het.
Want die Here wil ook vir ons ‘n prentjie gee van wat Bospoort werklik kan wees. Ja, deur die koms van die Verlosser, van die Vredekind, het Hy aan die wêreld kom wys dat Hy waarlik omgee. En so wil Hy vanoggend ook vir ons ‘n prentjie teken van ‘n wêreld waar liefde en trou mekaar ontmoet, waar geregtigheid en vrede mekaar sal omhels, en waar die Here vir ons ‘n geestelike en materiële oes skenk.
Miskien verstaan jy nie vanoggend hoe dit nou is dat liefde en trou mekaar nie in elk geval ontmoet nie, en dat geregtighieid en vrede mekaar nie in elk geval omhels nie… Ek sien dit in linker en regterbrein terme. Hulle sê dat mense wat linkerbrein georienteerd is, baie sin het vir getrouheid, en geregtigheid. Hulle sê aan die ander kant dat regterbrein mense meer liefdevol is, en dat hulle dikwels eerder ‘n rusie sal vermy om vrede te kan handhaaf.
Toe die Here Jesus aarde toe gekom het, het Hy vir ons kom wys dat ons nie noodwendig die een ten koste van die ander hoef te beoefen nie. Nee, Hy het vir ons kom wys hoe ‘n mens liefdevol en getrou kan wees, getrou tot die dood. Hy het vir ons kom wys hoe ‘n mens vrede kan bring, sonder dat ‘n mens die geregtigheid moet laat vaar.
Ja, liewe vriende, mag Kersfees 2009 vir jou ‘n tyd wees waarin jy waarlik God se “wake-up” call beleef, waarin jy werklik ook liefde en getrouheid in jou lewe laat ontmoet, waarin jy werklik ook in jou lewe, en in jou werksomstandigheide bymekaar uitbring.
Ja, liewe vriende, die Here wil ook hier in Bospoort sy geregtigheid laar floreer, en toesien hoe Bospoort gemeente besig is om die pad voor te berei vir die koms van die kind op die krip, maar ook vir die koms van die koning op die wolke.
AMEN.
Subscribe to:
Posts (Atom)
